好多時大家聽到「與時並進」呢四個字就會聯想起科技，但呢四個字又點止應用到喺科技咁簡單？
適逢新一年，我最近一班好朋友 catch up 一下大家近況，原來短短一年，大家嘅步伐已經有區別。
朋友A：因為 WFH，日常生活大小事情都網購，減少外出，Netflix 每套 TOP10 都睇哂，除返工放工外基本上都宅在家，連出面條街好多間鋪吉咗都未必知。
朋友B：趁 WFH 讀 online courses 進修，過程中仲帶左新發展機會俾公司
朋友C：態度積極進取，驚被裁員於是試下發展副業，轉行自己搞生意
朋友D：正職外考多個保險牌旁身
朋友E：在家自我增值，學拍片做 KOL 搞網購。唔單止自己 online，佢直頭俾埋佢 5 歲囡囡用 zoom 上芭蕾舞堂，準備 cert 去考小學
睇完我幾個朋友嘅近況，你不妨又問問自己 2020 年自己有無「與時並進」？
知識就係力量，只有知識永遠屬於自己。今年剛剛開始，送俾大家「與時並進」呢四個字，定個目標去實行，有時間亦不妨進修增值，好似朋友B咁，原意一心諗住進修，過程中無意間開拓一個新領域。都係𠴱句，有心唔怕遲！
#MrBusiness #與時並進
Search